சிலிர்ப்பான அனுபவத்தை தரும் ‘இந்தியானா ஜோன்ஸ்’

இந்திய சினிமா ரசிகர்களுக்கு ஒரு தித்திக்கும் செய்தி. அதிக அளவு எதிர்பார்க்கப்பட்ட அதிரடி சாகச படமான ‘இந்தியானா ஜோன்ஸ் அண்ட் தி டயல் ஆஃப் டெஸ்டினி’ அமெரிக்காவை விட ஒரு நாள் முன்னதாக இந்தியாவில் வெளியிடப்படுகிறது.

ஆங்கிலம், இந்தி, தமிழ் மற்றும் தெலுங்கில் ஜூன் 29ஆம் தேதி வெளியாகவுள்ள ‘இந்தியானா ஜோன்ஸ் அண்ட் தி டயல் ஆஃப் டெஸ்டினி’ படத்தில் புகழ்பெற்ற ஹீரோ, ஹாரிசன் ஃபோர்டு தொல்பொருள் ஆராய்ச்சியாளராகத் திரும்புகிறார். உலகத்தை உலுக்கும், கர்ஜிக்கும் சினிமா சாகசத்தை பெரிய திரையில் காண்பது சிலிர்ப்பான அனுபவத்தை தரும். அதை கண்டு களிக்க இந்திய ரசிகர்கள் ஆவலுடன் முந்திக்கொள்கிறார்கள்.

இப்படத்தில் ஹாரிசன் ஃபோர்டுடன் ஃபோப் வாலர்-பிரிட்ஜ், அன்டோனியோ பண்டேராஸ், ஜான் ரைஸ்-டேவிஸ், டோபி ஜோன்ஸ், பாய்ட் ஹோல்ப்ரூக் மற்றும் மேட்ஸ் மிக்கெல்சன் ஆகியோர் நடித்துள்ளனர். ஜேம்ஸ் மான்கோல்ட் இயக்கிய இப்படத்தை கேத்லீன் கென்னடி, ஃபிராங்க் மார்ஷல் மற்றும் சைமன் இமானுவேல் ஆகியோர் தயாரித்துள்ளனர். ஸ்டீவன் ஸ்பீல்பெர்க் மற்றும் ஜார்ஜ் லூகாஸ் ஆகியோர் நிர்வாக தயாரிப்பாளர்களாக பணியாற்றுகின்றனர்.