கிருஷ்ணா 23 : புதுப்பட தொடக்கவிழா
மணிரத்னம் அறிமுகம் நடிகர் கிருஷ்ணா. 1990இல் குழந்தை நட்சத்திரமாக அறிமுகமான படம் ‘அஞ்சலி’. கூட்டிக்கழித்துப் பார்த்தால் நடிகர் கிருஷ்ணா சினிமாவில் 34 ஆண்டுகளை கடந்திருக்கிறார். ஹீரோவாக ‘அலிபாபா’ , ‘கழுகு’ உள்ளிட்ட படங்கள் கிருஷ்ணாவுக்கு ஹிட் கொடுத்த படங்கள். இப்போது 23வது படத்தை தொட்டிருக்கிறார். அவரது 23ஆவது படத்தின் பூஜை இன்று சென்னை பிரசாத் லேப் தியேட்டரில் நடைபெற்றது.
இப்படத்தை டான் கிரியேசன்ஸ் L. கணேஷ் தயாரிக்க, அறிமுக இயக்குனர் அப்பாத்துரை பாரதிராஜா இயக்குகிறார். புதிய படத்தின் துவக்கவிழாவில் கழுகு படத்தின் இயக்குனர் சத்யசிவா கலந்துகொண்டு கிளாப் அடித்து துவக்கி வைத்தார்.
நடிகர் கிருஷ்ணா நடிக்கும் 23 வது படமாக இந்தபடம் துவங்கியிருக்கிறார்கள்.
வர்ஷா விஷ்வநாத் கதாநாயகியாக நடிக்கிறார்
கிராமத்துக்கதையாக உருவாகவிருக்கும் இந்தப்படம் திருச்சி மற்றும் மதுரை புறநகர் பகுதிகளில் படப்பிடிப்பு நடைபெறுகிறது.
சஸ்பென்ஸ் ,மற்றும் ஆக்ஷன் நிறைந்த கமர்சியல் படமாக அனைவரும் ரசிக்கும் படமாக இருக்கும் என்கிறார் படத்தின் இயக்குனர் அப்பாத்துரை பாரதிராஜா.
விழாவில் இயக்குனர் அப்பாத்துரை பாரதிராஜா, ஒளிப்பதிவாளர் நாகர்ஜூன், இசையமைப்பாளர் சாம் cs,
கலை இயக்குனர் பாப்ப நாடு C . உதயகுமார். ,
எடிட்டர் வெற்றிகிருஷ்ணன்,
மேனேஜர் துரை சண்முகம் மற்றும் பலர் கலந்துகொண்டனர்.
